المكتب كله كان في زهول تام الاستاذه اماني قالت لها خلاص هنحاول نشوف حل القضية بتاعتك و هنكلمك بكره.
وفي وسط صمت تام يتكلم نديم ويقول لهم يعني ايه ما بيعرفش.
ليلة العمر الذهبية (الجزء 9) للكاتبة حنان حسن
عيناي لا ترى الضوء (الجزء السادس) _للكاتبة هدير محمد
البطل المُنتظر (الجزء 3) للكاتب عمار عبد البديع
كل اللى فى المكتب اتصدموا من السؤال وقاموا مشيو.
بعد ما نزلوا كلهم نديم نزل ورا عز وسألوا يعني ايه ما بيعرفش؟
راح عز رد عليه وقال له يعني زيك كده.
ف نديم فكر ان جوز الموكلة رانيا عنده توحد زيه.
خالد مساعد المحامية اماني النجار ماشي جنبها وبيقول لها ان واحد اسمه لباوي رجل الأعمال بتاع البواخر طلب منها ميعاد وهو وافق واداله المعاد.
المحامية اضايقت جدا وقالت له انت ازاي تدي له ميعاد من غير ما تقول لي انت ما تعرفش ان الراجل ده ما بيجيش من وراه غير المشاكل.
قال لها بس بيجي من وراها فلوس برده.
ردت عليه وقالت له لو الجمل محمل زباله يذهب بما حمل.
ما تعملش حاجه تاني من غير ما تقول لي او ترجع لي.
واضح ان المحامية اماني ما بتحبش الراجل ده.
راحت المحامية قابلت الراجل ده وقالت له عايز ايه.
قال لها قاصدينك في خدمة محدش يعرف يعملها غيرك.
وده الشيك اهو امضى على بياض المهم انت اللي تحلي لي القضيه.
بعد شويه وبعد محايله منه رفضت اماني النجار القضية وقالت له انا مش ناقصه وجع دماغ.
مبدخلش نفسي انا في قضايا بودره وحوارات.
شوف حد غيري يحل لك القضية.
وقامت المحامية اماني وروحت لجوزها.
جوزها اسمه ياسر حلمي ويلقب بـ المايسترو عشان هو ملحن.
يبان ان اماني وياسر متحابين جدا ومتفاهمين ومعاهم ابنهم علي.
عايشين في بيت جميل وكبير وشكل حياتهم سعيده .
نديم الغلبان رايح يسأل الموكله رانيا ليه جوزها مبيعرفش.
او ليه متضايقه ان جوزها عنده توحد.
لانه طبعا غلبان ومش فاهم يعني ايه ما بيعرفش وعز ضحك عليه وقال له كلام غير صحيح .
طبعا الموكلة تضايقت من السؤال وقفلت الباب في وش نديم.
نديم اتضايق وروح لصاحبه جميل.
بس قبل ما نديم يخش على جميل كانت رام الله ماشيه من عند جميل.
رام الله كانت عايزة تقابل نديم عشان حسيت ان هو شخص طيب ومحتاجه تبقى صاحبته.
المهم جميل سال نديم مالك يا ابني زعلان ليه قال له على اللي حصل معاه مع مدام رانيا.
فضحك وقال له هو انت لحد دلوقتى متعرفش يعني ايه مبيعرفش!
قال له لا ما اعرفش!
قال له يعنى عاجز جنسيا.
جت فكره عبقريه جدا فدماغ نديم وعرف ازاى يحل القضيه .
وفى الناحيه التانيه كان عز عايز يعمل خطه دنيئة ويجيب واحده تغري زوج الموكله رانيا ويصورهم ويبعتو ل مدام رانيا و تطلب الخلع بسبب الخيانة .
وتانى يوم الكل راح الشركه وكل واحد كان بيعمل مشروبه .
وبدا عز يتكلم مع نديم ولكن نديم ما بيردش عليه عشان مبيحبش عز .
رام الله بتسال نديم كنت فين امبارح اصل انا عديت عليك وما لقيتكش.
نديم رد عليها وقال لها انا كنت عند استاذه رانيا.
عز ضحك وقال له ياه ياما تحت السواهي دواهي كنت بتعمل ايه يا العوبان انت عند رانيا .
قال له كنت بسالها اذا كان جوزها فعلا ما بيعرفش.
قال له طب ما انت بتسال ليه ما احنا عارفين فعلا ان هو ما بيعرفش.
قال له ما انا بسالها عشان عايز اعرف هو ما بيعرفش بنسبة ايه.
يعني مثلا لو ما بيعرفش بنسبة 70 ل 80% فكده غشاء البكارة هيكون لسه موجود أو ممكن يبقى في بقايا.
اتصدم عز ورام الله من استنتاج نديم.
بعد شويه كله دخل مكتب المحامية اماني.
وبدأت تسألهم عملوا ايه في القضية.
سألت واحد واحد وفي منهم اللي قال لها ان هو تجسس عليه وان هو بيلعب بديله.
وفي اللي عمل له كمين.
ولما وصلت لعز قال لها انا عندي استنتاج هيحل مجرى القضية كله.
احنا محتاجين نعمل كشف على غشاء البكارة للاستاذة رانيا .
ولو كده يبقى احنا حلينا القضية وقدرنا نخلعها من جوزها .
اتصدمت رام الله من رد عز وعرفت ان هو شخص مش كويس.
لأنه سرق مجهود نديم.
انبهرت المحامية اماني باستنتاج عز اللي هو في الاساس مش استنتاجه هوه.
وسالت نديم عملت ايه يا عز في القضية قال لها معنديش كلام اضيفه على اللى عز قاله .
ونديم متضايقش عشان عايز يسرق مجهوده وده يدل على طيبة قلبه.
ورم الله كانت متضايقة جدا بسبب اللى عز عمله وبعد الميتنج راحت لعز وقالت له انت بني ادم مش كويس.
قال لها مالكيش دعوه وبعدين لو انا خدت القضية هبقى اديكي حلاوه.
بصت رام الله ل عز بقرف ومشيت وراحت ل نديم.
وقالت له بعد كده متخليش حد يضحك عليك ويسرق مجهودك.
اي فكره تيجي في دماغك خليها لنفسك وقولها ل استاذه اماني.
مدام رانيا قاعده لوحدها في المكتب وجيلها رنه تليفون.
ده الراجل صاحب قضيه البودره .
هو انا مش قلت لك انا مش هعمل لك القضيه.
قال لها بس افتحي تليفونك وانت هتعرفي كل حاجه ما يبقاش طلقك حامي.
فتحت تلفونها ولقت فيديو مبعوث لها.
ده ياسر زوجها وهو يخونها مع راقصة اسمها ورده او زي ما بتقول مغنية.
الراجل صاحب القضية كان عامل خطه عشان يوقع بجوز الاستاذه اماني عشان تعمل له القضية.
بعت رقاصه اسمها ورده تشتغل مع استاذ ياسر وتغريه عشان يخون مراته معاها.
وفعلا استاذ ياسر طلع بيلعب بديله بيخون مراته مع ستات كتير.
واي واحده حلوه تيجي قدامه وتوافق بيخون مراته معاها عادي.
مدام امانى ضافت الفيديو اللى موكلها بعتهولها واديقت جدا وحست انه بيبتزها بالفيديو وسعتها معرفتش تعمل ايه .
