يزيد انت اكيد بتهزر. وهي ازاي توافق علي كدا. وبعدين تعالالي هنا هو انت عملت اي في موضوع خالتها قولتلها ولا لسه.
مازن خفت اقولها كانت مبسوطه اوي محبتش ازعلها. بس اول لمه نرجع ان شاء الله هحاول اجبهالها كدا براحه.
المره دي هو مالك كل الاراضي الزراعيه وهم شغالين عنده ….. الدنيا دواره
احببتها اثناء انتقامي (الجزء33)
نبض قلبي لأجلك (الجزء السادس) للكاتبة لولا نور
يزيد بصراحه هي الله يكون في عونها اللي مرت وبتمر بيه مش سهل برضو ومفيش حد يستحمله.
مازن انا خايف لمه تعرف من الصدمه عليها.
يزيد ان شالله ربنا هيرمي الصبر عليها. بس برضو مقولتش هي برضو وافقت ازاي بكدا.
مازن ماانا علشان توافق قولتلها انك هتجيب اختك.
يزيد هو انت بتكلم مين ياعم انت.
مازن بكلمك انت. هو في حد غيرنا هنا.
يزيد بضحك انا اول مره اعرف منك دلوقتي.
مازن يابني انا اقصد اسيا اختك في الرضاعه.
يزيد لا بالله عليك ماتعمل كدا معايا انا اخوك وصاحبك. دي بنت بااده دي لو طلعت معانا هتكون رحله زي الزفت.
مازن ياعم ماتقولش كدا اكيد مش للدرجادي.
يزيد ياعم انيل انا اعرفها. وعارفه كل مابتحط رجلها في حاجه انت فيها بتبوظها. دي مفيش مره شافتني فيها الا ومسحت بكرامتي الارض. لا لا اعفيني بقا من الطلعه السودا دي.
مازن مممم تمام براحتك بس اعمل حسابك انك الفترا الجايه دي هتسافر فرنسا وهتمسك الشغل كلو هناك وابقا قابلني لو عرفت تطلع تتمشا في الشارع ولا تشوفو هتقضي حياتك في الشركه.
يزيد انت عارف البنت بنت خالتي دي عسل بشكل هاديه كدا ورقيقه. وفيها اي لمه اسيا تيجي معانا دي حتي هتخلي للرحله طعم تاني.
مازن ضحك ناس متجيش غير بالعين الحمرا. متنساش لو سالتك عن ندى احكيلها الحقيقه متكدبش عليها.
يزيد تمام انا بقا هلحقها قبل ماتخرج.
يزيد بيخبط علي باب بيت اسيا.
ابتسام فتحت الباب اي دا يزيد.
يزيد خالتو حبيبتي وحشتيني اووي عامله اي.
ابتسام ياد بطل بكش لو وحشتك بحق كنت تسال عليا بدل مابقالي شهر مشوفتكش ولا اعرف حاجه عنك.
يزيد ابدا والله ياخالتو مسحول في الشغل ليل نهار مش بخرج من الشركه للبيت ومن البيت للشركه. ابن اختك متمرط اوي ياحجه وصحك..
ابتسام دخلت وقفلو الباب.
اسيا طلعت من الاوضه اي دا يابني الدوشه دي متعرفش تقعد ساكت ابدا. اي اللي رماك عندنا النهرده يلا.
يزيد انا الحق عليا اللي جاي ابسطك. قولت انك بقالك فترا محبوسه ومش بتخرجي اما اجي وفسح ونروح دهب.
اسيا بتهزر اكيد انت عارف لو كان بجد تبقا صاحبي. ووعدك مش هدايقك تاني. مقولتليش بصراحه كدا وعلي الدوغري اي السبب.؟!
يزيد حكا كل اللي حصل مع ندى وبالتفاصيل.
ابتسام طول عمري بقول انه الواد مازن دا جدع. ربنا هيجزيه خير علي اللي بيعمله. ربنا يكون في عونها والله انها تستحمل كدا لوحدها.
اسيا معقوله في حد يستحمل كل دا.؟!
يزيد المهم بقا هعدي عليكي بكرا الساعه ٧ تكوني جاهزه. وعايزك تتقربي منها علي كد متقدري وتصاحبيها. البنت ملهاش حد في الدنيا.
الساعه ٧ صباحا
يزيد يلا يابني انجز كل دا بتلبس.
مازن يابني هو انت لحقت دا انت لسه واصل دلوقتي من دقيقتين. يلا بقا اطلع
يزيد يلا فين واطلع اي.؟!
مازن اطلع عربيتي هنسافر كلنا مع بعض.
يزيد كدا كتير هو مش كفايا انه هنروح بالعربيه مش طيران كل كمان كلنا هنطلع نفس العربيه.
اسيا اتفق معاك وبشده.
مازن ادخلي جوه يابت انتي.
يزيد تستاهلي ملكيش غير كدا.
مازن يلا بقا اطلع مش عايزين نضيع وقت.
يزيد طيب ممكن اعرف السبب ليه. نروح ب عربيه كلنا مع بعض.
مازن لانه مش عايز ندى تزهق والطريق طويل لكن لو طلعنا كلنا مع بعض هترغي في السكه مع اسيا.
يزيد اهاا تمام.
اول ما وصلو كلهم لبيت ندى…
ندى نزلت لابسه بنطلون جينز اسود وعليه شميز ابيض وسايبه شعرها البني الطويل بيطير من الهوا وعيونها الخضر.
يزيد من حقك تعمل كل دا علشانها اي الحلاوه دي سبحان الخالق.
مازن يابني ماتهدا مالك في اي.
مازن ياجماعه اعرفكم ندى. ودا يزيد واخته اسيا.
ندى تشرفت بمعرفتكم اهلا بيكم.
اسيا انا ليا الشرف ياحبيبتي تعالي اقعدي جنبي.
اسيا جرا اي ياعم شغال اكل اكل خلصتهم مني ماتجيب ساندوتش كفياك لحد كدا.
يزيد لا دول يادوب يكفوني.
اسيا بقولك اي دي ساندوتشاتي لو مجبتهمش دلوقتي هقوم انط في كرشك.
يزيد انا قولتلك بلاش البلوه دي لكن انت صممت شايف التهزيق قصاد الاجانب.
ندى كانت مبسوطه جدا بالي بيحصل وطريقة اسيا ويزيد مع بعض وفضلت تضحك كتير.
مازن كان مبسوط انه ندى بتضحك.
يزيد خدي ساندوتش اهو يكش تسكتي.
اسيا هات كمان واحد ل ندى.
ندى شكرا اوي ياحبيبتي مش عايزه. بالهنا.
اسيا بقولك اي خليكي كدا فريش وبلاش الكسوف الزياده برضاكي ولا غصب احنا بقينا صحاب خلاص.
ندى ضحكت حاضر.
يزيد بقولك اي اي حاجه الكائن دا يطلبه منك نفذيه وانتي ساكته بدل ماتبلعك.
اسيا بقولك اي متشغلنا كدا حاجه خلينا نفرفش شويه.
