مازن وهو بيدور عليها في ورقه. مسكها يقراها.
ندى صباح الخير بشكرك من كل قلبي علي استضافتك ليا في بيتك وعلي مساعدتك و…..
أحببتها أثناء انتقامي (الجزء الرابع عشر) للكاتبة عليا حمدي
ليلة العمر الذهبية (الجزء 12) للكاتبة حنان حسن
عيناي لا ترى الضوء (الجزء التاسع) للكاتبة هدير محمد
مازن تعصب ومكملش الكلام المكتوب هي ازاي تعمل كدا هتروح فين دلوقتي.
رن يزيد اي يابني ليك يومين غايب ومحدش شايفك فينك دا حتي الشركه مش بتيجي ليه.
مازن شركتي وانا حر مش جاي.
يزيد مالك يا صاحبي زعلان ومدايق من اي.
مازن بترت ليه دلوقتي عايز اي.
يزيد رنيت علشان افرحك واقولك كسبنا المناقصه مع الوفد الألماني. مالك طمني في اي..!؟
مازن خلص الشغل اللي معاك وتعالالي فورا وهقولك.
يزيد حاضر جايلك حالا مسافة الطريق.
مروه هو مستر مازن هينزل الشغل النهارده..؟
يزيد معرفش وسألها ومشي بعصبيه.
مروه هو في اي..
من هنا بدء مشوار ندى للحصول علي عمل.
ندى دخلت محل ملابس مكتوب عليه مطلوب موظفين للعمل. السلام عليكم.
صاحب المحل وعليكم السلام ورحمة الله وبركاته. اؤمري.
ندى حضرتك كاتبين انكم طالبين انسات للعمل..؟!
صاحب المحل اه وحضرتك معاكي شهادته اي.
ندى انا طالبه ثانويه.
صاحب المحل يلا يابنتي من هنا هي ناقصه. ذاكري كلمه تنفعك انا عايز حد مخلص تعليم.
ندى مانا حضرتك مش هكمل دراستي وفاضيه وهلتزم بالمواعيد مظبوط.
صاحب المحل لا ويلا من هنا.
ندي حست بخيبة الأمل دا خامس محل يقولها كدا. وهي ماشيه دخلت مطعم حضرتكم طالبين موظفين للعمل.
المدير اه طالبين كاشير وويتر و عامل نظافه. حضرتك معاكي شهادة اي.
ندى بكل خجل ثانويه عامه.
المدير دا في ناس مقدمه وواحده ليسانس. متنفعيش بس ممكن تشتغلي عاملة نظافه.
ندى حسيت بالإهانة واديقت. مفيش غير دي.
المدير للاسف هي المتاحه ليكي.
ندى شكرا .مشيت فضلت ادور وكل محل ادخله يرفض. قعدت علي الرصيف. اعمل اي يارب تعبت مش قادره تاني. خبطت ست علي كتفي..
الست اتفضلي ياحبيبتي.
ندى حضرتك انا مش بشحت. الست حطتها في ايدي وسابتني ومشيت. يااربي انا كنت بتمني وبتعب علشان ابقا دكتور مهمه تبقا دي حالتي بشحت علي الرصيف. بعدك ياماما اتبهدلت ربنا يرحمك شوفتي اللي حصلي. شكلي هرجع لصاحب المحل من تاني واشتغل عامله نظافة احسن من الشحاته علي الرصيف ورجعت تاني. حضرتك عايزه اشتغل اعمل اي.
المدير ادخلي الاوضه اللي هناك دي والبسي ملابس الشغل وهتلاقي المكنسه وعدة الشغل هناك وابدئ شغلي نضفي الحمامات الاول.
ندى بدأت بالفعل شغل ولكن غرقت الدنيا ميه. ياربي انا مش متعوده علي دا. وقعت الميه وبهدلت الدنيا.
المدير دخل شافها بهدلت الدنيا ميه. بعصبيه هو اي اللي هببتيه دا اقولك نضفي تقومي تبوظي الدنيا اكتر.
ندى مكنش قصدي دلوقتي هنضفها سامحني.
المدير اطلعي برا تنضفي اي برا وماشوفش وشك تاني.
ندى طلعت وانا مش عارفه اروح فين ولا اعمل اي. العشا أذن دخلت اسال هو في هنا مكان اصلي فيه.
الشيخ اه اتفضلي
ندى دخلت اصلي ملقتش غير ست كبيره في السن السلام عليكم.
الست الكبيره وعليكم السلام ورحمة الله وبركاته.
ندى مفيش هنا طرحه البسها اصلي بيها.
الست الكبيره ورا الباب دا هتلاقي في سيدلات البسي واحد.
ندى شكرا لبست واول ماخلصت اقم الصلاه. الست جت وصلت جنبي. محستش بنفسي غير وانا بعيط وبدعي ربنا ياحنان يامنان يابديع السموات والارض الطف بيا وخذ بإيدي وفك ديقتي وفرج همي يااارب. وبعد ما خلصنا لقيت الست بطبط عليا.
الست الكبيره مالك يابنتي فيكي اي.؟!
ندى حسيت بطيبة قلبها شكتلها همي. وكل اللي حصلي.
الست الكبيره ياضنايا يابنتي ومستحمله كل دا ازاي.
ندى مشكلتي انه مش لاقيه مكان اروح ابات فيه.
الست الكبيره لو كان ينفع كنت اخدتك معايا انما انا عندي ولادي شباب عايشين معايا. ليه سبتي الشاب يابنتي ومشيتي.
ندى ماينفعش نعيش سوا في نفس البيت. هو عايش لوحده.
ندى ممكن ابات هنا ياطنط.
الست هستأذن الشيخ من تحت واكيد مش هيمانع.
الشيخ لا حول ولاقوة الا بالله معقوله كل دا حصل. تمام بس اخرها اسبوع تدبر نفسها لانه لو حد جه هنا انا هتأذي.
الست الشيخ وافق انك تقعدي لمدة اسبوع وتدبري امورك بعد كدا. وانا كل يوم هصلي معاكي العشا.
ندى الحمدلله ياارب هقوم اصلي ركعتين شكر لرب العباد انه اكرمني النهرده…
اما عن مازن…
مازن مين بيخبط. اي دا هو انت كل دا علشان تيجي ؟!
يزيد اعملك اي ما انت سايب الشغل كلو فوق دماغي وقاعد هنا.
مازن ادخل نتكلم.
يزيد هاا ياعم مالك.
مازن حكالو حكاية ندى بالتفاصيل.
يزيد وانت زعلان ليه دلوقتي. انت عملت كل اللي ف ايدك تعمله خلاص بقا.
مازن صعبانه عليا ملهاش حد في الدنيا تروحله قلقان عليه.
يزيد ممممم دا حب بقا.
مازن حب اي يابني بقولك صعبانه عليا. انا لازم ادور عليها واشوفها راحت فين.
يزيد من كلامك عليها شوقتني اشوفها شكلها بنت محترمه .لكن هي ازاي تقبل انها تقعد وتبات معاك في نفس البيت.
مازن عارف لو شوفتها هتصعب اوي عليك بريئه وهاديه شكلها البنت دي جت الدنيا عليها كتير. انت عارف سمعتها وهي بتصلي وتدعي.
يزيد اه واي كمان ياحنين.
مازن يابني شوف انا بقولك اي وانت كل تفكيرك راح في حته تانيه بقولك بريئه وبعدين دي عندها 18 سنه وانا 30 تيجي ازاي دي. تعرف دا حتي البس اللي اخترته ليها سبته ومخترتش منه حاجه.
يزيد طيب وهنعمل اي دلوقتي وهندور عليها فين. دي واحده في بلد فيها مية مليون انت بتقول اي يابني.
مازن كل دا ميهمنيش المهم الاقيها.
وفي جانب اخر عند الاب…
الاب اتفضلي ياعروسه برجلك اليمين. كدا انا احبك احب دايما الست اللي تفكر كويس مش اللي تاخد قررات وخلاص.
سعاد اعمل اي مفيش حل تاني ما انت مهددني.
الاب بصي بقا انا عايزك تنسي اي زعل مني النهرده اول يوم واحنا مع بعض.
سعاد بعد لحظات اي الراجل دا ياخواتي بقا علشان بكره البنت ومش بحبها اوقع نفسي الوقعه السوده دي.
وعند شروق شمس يوم جديد.
ندى ياترا هعمل اي بعد مالاسبوع دا يخلص هقعد فين واكل واشرب منين يارب اقف جنبي ومتسبنيش لتفكيري.
مازن في الشركه اي دا كل دا شغل وورق. هو حضرتك هنا بتعملي اي لمه محضرتش يومين في الشركه كل دا شغل بتاخدو مرتبات علي اي.
مروه يافندم الورق دا كان بس محتاج امضت حضرتك.
مازن هو انتي كمان بتردي عليا. مخصوم منك5 ايام ويلا روحي اعمليلي قهوه.
مروه طلعت من عنده وانا ذنبي اي ياربي.
يزيد مالك متعصبه ليه.
مروه استاذ مازن النهرده متعصب اوي. منصحكش انك تدخل عنده.
يزيد صباحو يامارو متعصب ليه ياصاحبي.
مازن اتعصب اكتر وبصوت عالي هو علشان غبت يومين عن الشركه متعرفش تمشي الشغل من غيري كل حاجه مخليها لحد مانزل الشغل انا.
يزيد يابني شغل اي اللي سبته لحد ماتيجي دا ورق ولازم امضتك. اوعى يكون حوار ندى هو اللي مأثر عليك.
مازن انت هتعمل زي الاستاده. وبعدين متنساش نفسك اننا في الشغل مش في البيت. ومتندمنيش انه حكيتلك.
يزيد عن اذنك انا في مكتبي.
مروه القهوه يافندم اتفضل.
مازن بعصبيه حطيها في اي مكان.
طلعت مروه من عند مازن
