ثور مكنش مهتم بأي كلام بيتقال وفضل ساكت.
وقبل ما القائد يكمل الأسئلة واحد من الجنود قاله إن في حد عاوزه بره.
أحببتها أثناء انتقامي (الجزء الثالث عشر) للكاتبة عليا حمدي
حكايات من القرية القديمة
نبض قلبي لأجلك (الجزء السادس) للكاتبة لولا نور
القائد طلع والمفاجأة إن الشخص اللي كان واقف بره هو العم ماكس.
العم ماكس: إزاي حضرتك يا سيادة القائد، أنا بس كنت ماشي مع ابن أخويا وفجأة لقيته اختفى وفي واحد بيقولي إن في شاب ضخم ونفسه مواصفاته جوه إنتوا قابضين عليه.
القائد: إنت عارف قريبك عمل إيه؟
العم ماكس: لا معرفش بصراحة بس متعتبش عليه هو مهووس بالسحر والحاجات العبيطة دي ولو سبب أي ضرر قولي وانا هعاقبهولك.
القائد فضل باصص في عيون العم ماكس شوية وبعد كده قال: طيب أنا هسيبه بس حاول متخرجوش من البيت كتير عشان ميعملش مشاكل ليك.
العم ماكس: من عيني يا سيادة القائد ومتشكر أوي على تفهمك.
القائد أمر بإخلاء سراح ثور.
بس كان في نواية خبيثة للقائد، والسبب اللي خلاه يخلي سبيل ثور هو إنه يراقب تحركاته من بعيد.
وأول ما خرج ثور أمر واحد من اتباعه إن هو يراقبه.
في مملكة أزغارد…
كارل راح لحارس البوابة وأمره إنه ينقلوا لمملكة الجليد.
حارس البوابة: رايح ليه مملكة الجليد يا كارل.
كارل: إنت اتجننت ولا إيه إزاي تتكلم مع ملكك بالطريقة دي.
حارس البوابة: أنا ملكي هو أودين ومش هنفذ أوامر أي حد غيره.
كارل بعصبية: أودين مش موجود دلوقتي وخلاص يعتبر في عداد الموتى وأنا وريثه الوحيد فلازم تجدد ولائك ليا أحسنلك.
حارس البوابة: أوامرك يا جلالة الملك.
وفعلًا فتح البوابة وكارل وصل مملكة الجليد في لحظات.
كارل أول مدخل المملكة راح على ملك الظلام.
ملك الظلام: أهلًا بالملك الجديد لأزغارد.
كارل: من غير رغي كتير أنا جاي اعرض عليك عرض هينقذك إنت ومملكتك.
ملك الظلام: إيه هتخون مملكة أزغارد تاني وهتستدرج جنودي عشان تقتلهم؟
كارل: إنت عارف كويس إن الحاس الناري ظهر بدون علمي.
أنا مهدت الطريق زي ما وعدتك للجنود عشان يخدوا النعش، بس إنت عارف إن السبب الرئيسي اللي خلاني اعمل كده هو إني أبوظ حفل تتويج أخويا.
وحصل فعلًا اللي كنت مخططله بس جنودك مكانوش أقوية والحارس الناري قضى عليهم في لمح البصر.
ملك الظلام: طب اخلص جاي ليه المرادي.
كارل: عايزك تقتل الملك أودين.
ملك الظلام: أكيد إنت اتجننت، ولا ممكن يطلع ده كمين إنت عملهولي؟
كارل: إنت عارف إني لو عايز اعملك كمين هعملك، بس أنا جايلك بطولي وبعرض عليك عرض عمرك مكنت هتحلم بيه.
وبعدين إحنا الإتنين هنستفاد من قتل أودين، أنا هحكم مملكة أزغارد وهوفرلك الحماية وإنت هترجع النعش لمملكتك وهترجع القوة اللي كانت متاخده منكوا لسنين.
ملك الظلام: طب قولي هقتل أبوك إزاي، وأكيد الحراسة عليه شديدة وهنموت قبل ما نوصله.
كارل: يا غبى أبويا دلوقتي في غيبوبة يعني أقوى واحد في أزغارد هو أنا، وأنا همهدلك الطريق وهقلل الحراسة وإنت هتخش بكل سهولة تقتله وتمشي بالنعش بتاعك.
ملك الظلام: طب ما تقتل إنت أبوك ليه عايزني أنا اقتله!
كارل: عشان مش عايز الشكوك تكون حوليا وسعتها ممكن اتحرم من العرش، وكمان أنا بديلك فرصة إنك تنتقم من الشخص اللى خلى حياة مملكتك جحيم.
ملك الظلام فرح جدًا وحس إن ده مش كمين وكارل هيساعده فعًلا ووافق على عرضه علطول.
كارل أول ما خلص كلامه مع ملك الظلام رجع تاني لمملكة أزغارد ووقف قدام حارس البوابة.
حارس البوابة كان بيقدر يتابع تحركات أي حد مولود فى مملكة أزغارد وبيبقى سامعه وشايفه لو راح أي عالم تاني.
بس الوحيد اللي مكنش بيسمعه لما بيروح عوالم تانية هو كارل.
وده لإنه مكنش ابن أودين الحقيقي وكان ابن ملك الظلام، بس حارس البوابة مكنش يعرف كده.
حارس البوابة: عايز اعرف إيه نوع الخدعة اللي بتشوش بيها عليا لما بتروح عوالم تانية.
كارل: شششششششش وديني كوكب الأرض بسرعة.
حارس البوابة سمع كلام كارل ونزله كوكب الأرض، وأول ما نزل لقى نفسه واقف قدام ثور.
