تالين: أخيرًا وصلتي يا ماما أنا كنت خلاص هاخد تاكسي، وأروح البيت من كتر ما اتأخرتي عليا.
نهاد كانت لسه سرحانة وردت عليها بعد وقت طويل.
أحببتها أثناء انتقامي (الجزء الثامن عشر) للكاتبة عليا حمدي
أحببتها أثناء انتقامي (الجزء العشرون) للكاتبة عليا حمدي
نعيمي وجحيمها (الفصل التاسع) للكاتبة أمل نصر
نهاد: معلش يا حبيبتي الطريق كان زحمة أوي والعربيات بتمشي زي السلحفاة، يلا اركبي خلينا نروح.
وصلت نهاد والولاد البيت.
نهاد: أنا تعبانة وراحة أوضتي أستريح شوية، ومعلش يا تالين إبقي إتغدي إنتي واخوكي أي حاجة من المطبخ مش قادرة أحضر أكل النهاردة.
تالين: ألف سلامة عليكي يا ماما يا حبيبتي، معلش ناكل أي حاجة النهاردة مش مشكلة أهم حاجة صحتك.
ولاحظت تالين هي وأمجد إن أمهم باين عليها التعب وبتمشي بصعوبة ناحية أوضتها.
نهاد راحت أوضتها وهي بتفكر في اللي عمله خليل فيها، وقفلت أوضتها ونامت على سريرها وسألت نفسها ليه حصل ده كله معاها وده حلم ولا حقيقة.
وفضلت تفكر إزاي ترجع كرامتها اللي أهانها خليل لما إتجوز عليها.
نهاد بدأت تفكر في الطلاق من خليل، وإنها تنهي حياتها معاه بعد اللي حصل، بس كان صعبان عليها إن دي تكون النهاية بينهم، وفكرت في مصير ولادها ونفسيتهم بعد الموضوع ده.
وقالت لنفسها: أنا عملت إيه غلط أنا كنت زوجة مثالية، وأم مفيش زيها، ليه عملت فيا كده يا خليل ليه.
إنت كده فتحت على نفسك نار جهنم ياخليل، ووالله زي ما أنا عملتك محامي كبير ومشهور هرجعلك تاني لنقطة الصفر وتبقى متسواش حاجة زي ما كنت والأيام ما بينا.
هخليك تندم إنك دست على مشاعري وكرامتي وعملت كده فيا، ده إنت حتى ما فكرتش في ولادنا وفضلت عليهم واحدة زي دي أخدتك على الجاهز متعبتش وشافت المرار اللي أنا شفته معاك، بس إنت طلعت إنسان واطي وأول ما وصلت قررت تتخلى عني وتدور على واحدة غيرى تتبسط معاها بس بكره هتعرف قيمتي وزي ما بنيتك ههدك تاني.
نهاد سندت راسها على شباك أوضتها وفضلت تعاتب نفسها واستغربت هي إزاي كانت هبلة للدرجة دي ومخدتش بالها من انشغال جوزها ولا حتى شكت فيه لحظة، وكمان ما حستش في يوم إنه متغير معاها.
إزاي نسيت نفسها معاه وما فكرتش في يوم تعمل لنفسها أحلام وتحققها أو تفكر تبني نفسها زي خليل ويبقى لها وضعها وتعرفها الناس.
بس هي كانت دايمًا شايفة إن نجاحه ووصوله لأحلامه ده نجاح ليها هي كمان، وده عشان كانت بتحبه وفضلته على نفسها، بس خلاص نهاد بدأت تفوق من غيبوبتها بعد اللي حصلها من خليل وعرفت إنها لازم تفكر في نفسها وتوريه إن اللي حصل ده خلاها قوية مش ضعيفة وتخليه يندم إنه في يوم استهان بيها أوي وعمل فيها كده، ويفهم إنها تقدر تعيش من غيره وتبقى أحسن كمان….
يتبع…….
لمشاهدة الجزء الأول من القصة “اضغط هنا“.
