في مكتب سليم…
صبا وصلت الشركة وهتتغير كل حياتها.
مدينة المغامرة… قصة أسطورة تحولت إلى حقيقة
الفن الضائع.. رحلة الرسام وبحثه عن الخلاص
من حياة الظلام إلى نور الشفاء… قصة أمانديا وتغلبها على اضطراب الأكل
صبا: صباح الخير، أنا كنت مقدمة في الوظيفة المطلوبة.
موظف الاستقبال: اتفضلي حضرتك فوق في الدور الرابع، هتقابلي الموظف المسؤول عن الموظفين الجداد.
صبا في المقابلة…
الموظف المسؤول كان بيبصلها وهو معجب بيها جدًا وقالها: بصراحة كده يا آنسة صبا أنا عاجبني جدًا أسلوبك، ممكن لحظه بعد إذنك وهرجعلك.
أول ما طلع من عندها راح لمكتب سليم..
الموظف المسؤول للسكرتيرة: المهندس سليم فاضي دلوقتي؟!
السكرتيرة: أه فاضي لسه فاضل ساعة على اجتماع مجلس الإدارة.
الموظف المسؤول: تمام بلغيه إن أنا محتاج أقابله ضروري.
السكرتيرة: تمام تقدر تتفضل.
سليم كان سرحان بيفكر في اللي طلبه منهم الجد وبص فجأة قدامه وقال: أنت هنا يا معتز خير في حاجة.
معتز: أه حضرتك كنت طلبت مني أنزل إعلان لطلب موظفين جدد للديكور، أنا نفذت وحاليًا عندي تلات مهندسين ديكور وأنا محتار مابينهم، التلاته كفء، تقدر تشوفهم حضرتك وتحدد نختار مين.
سليم: أممم تمام بس أحنا كنا طالبين أتنين مهندسين ديكور، لذمتها أي اختار أنا وبعدين هو ده مش شغلك ولا أنا بيتهيألي، وبتقض مرتب على أساس الشغل اللي بتقدمه.
معتز: أنا اخترتهم من بين عدد كبير والتلاته نفس المستوى، أنا مش حابب أظلم حد فيهم، حبيت أنه نستفيد من خبرة حضرتك.
سليم: تمام دخلي واحد واحد.
صبا دخلت المكتب على سليم بكل ثقة: صباح الخير.
سليم: صباح النور.
فضل سليم مركز في كل حاجة في الC V: تقدري تقوليلي خلال السنتين ليه ماشتغلتيش؟!
صبا: بعد الجامعة بدأت أحضر دكتوراه ولسه مخلصة من شهر ماكنش عندي الوقت الكافي للشغل.
سليم وهو بيبص على شكلها الجميل واللي مقدرش مينجذبش ليه من أول ما دخلت المكتب: نقدر نقول مبروك علينا وجودك معانا، وياريت نشوف إبدعاتك في الشغل الفترة الجاية، تقدري تتفضلي يا آنسه صبا.
صبا ببتسامة: شكرًا يا فندم وبإذن الله الفترة الجاية هتشوف شغل ممتاز.
سليم: اتفضلي عند السكرتيرة وهي هتاخدك على مكتبك.
