في فيلا الهواري…
نهى: شوفتي اللي حصل يا ماما، هي أحسن مني في أي عشان يسبني قاعدة ويجري وراها، يرضيكي اللي بيعمله يونس ده!.
محطة جمال عبد الناصر
هذه الايات غيرت حياته، ومن هنا تهاوت كل أفكار الالحاد بداخل قلبه… قصة إسلام جيفري لانج
سمع همسا في اذنه من امراه تقول له احمد الله ان اخي رمسيس لم يعرف من انت… ما بعد النهاية الجزء الثاني
فريال: مش مهم يا حبيبتي اللي بيحصل، أهم حاجة أنه هيرجعلك وهينفذ كلام حسن باشا.
رحاب: أنا مش عارفة جدو بيعمل كده ليه؟! بقى أروى حتة البت اللي لا راحت ولا جت تاخد مني حب عمري كده بسهولة، سليم يا ماما أخرتها يتجوزها وقال أيه أنا اتجوز ده؟!
فريال وقفت وهي بتزعق ليها: أياكي أشوفك بتقللي من نفسك قصاد حد، يونس مسيره يرجعلك، خليه دايمًا شايفك ملكة، بكره الأيام تثبتله مين يستحق أكتر بنت الحسب والنسب ولا بنت الشوارع، وأنتي متزعليش نفسك هتتجوزي سليم اللي بتحبيه وهتشوفي.
نهى: تقصدي أي يا ماما ببنت الشوارع.
فريال ضحكت: سيلا مش بنت أحلام وعمكم محمد، دي بنت لقيوها في الشارع زمان، محدش يعرف كده غيري، وأخيرًا بقى مسكت نقطة ضعف لأحلام.
رحاب: عشان كده جدو رفض يجوزها حد من العيلة.
فريال: جدكم ميعرفش حاجة عن الموضوع ده، كل الحكاية أنه بيحب يضايق أكرم لأنه روحه في سيلا.
نهى: لا يعرف وبدليل بيقولها الحمدلله أنك مخلفتيش غير ولاد.
فريال: هو أنا إزاي تعدي عليا حاجة مهمة زي دي.
