مي غصب عني تقدر تقول جواز علي الورق وبس.
اسد انا مش عارف اقول اي!؟.. انا ممكن اسعدك واطلقك منه يا.. معقوله هنشتغل مع بعض ومعرفش اسمك اي!؟
حق رحيم (الجزء الثاني) للكاتب عمار عبد البديع
أحببتها أثناء انتقامي (الجزء التاسع عشر) للكاتبة عليا حمدي
أحببتها أثناء انتقامي (الجزء العاشر) للكاتبة عليا حمدي
مي دا كان شرطي من الاول علي استاذ لؤي، انه محدش يعرف حاجه عني، وبعدين انا موفقتش اشتغل معاكم.
اسد ثقي تمام الثقه انه انا هظبط كل حاجه علشان تناسبك، لمه احب اندهلك اقولك اي.
مي الاسم اللي يعجبك، انا تحت امرك.
اسد بصي انا فيه اسم في بالي بحبه اووي، بس مش بطيق صحبته.
مي اسم اي!؟؟
اسد مي.
مي بصتله من بعيد ماشي يا اسد.
اسد اي روحتي فين.
مي سرحت شويه في الدنيا اللي متلخبطه معايا.
اسد انا هحللك كل حاجه ابعتي اسمه، وبياناته كامله وهخلي يطلقك غصب عنه.
مي تصور معرفش حاجه عنه.
اسد بيكتب ازاي تتجوزي واحد وتكملي وانتي متعرفهوش، سكت لحظه وحذف اللي كتبه هو انا هلوم عليكي وانا زيك.
اسد بقولك اي ممكن اقابلك بكرا.
مي بس جوزي مش هينفع.
اسد بغضب هو انتي مش قولتي جواز علي الورق.
مي اه علي الورق بس احنا عايشين مع بعض في نفس البيت.
اسد بكرا هستناكي الساعه ١١ الصبح يناسبك.
مي تمام بكرا هكون في المؤسسه الصبح.
اسد لا مؤسسة اي هقابلك في الكافيه اللي جنب الشركه.
مي تمام.
اسد سرح شويه وفي جمالها وبعدين بيبص جنبه، انتي يا استاذه قومي اصحي شيلي الاكل دا من هنا مش ناقص قرف.
مي كانت بتمثل انها نايمه، فاقت وهي بتمثل النوم وشالت الاكل، بس انت مأكلتش حاجه.
اسد انتي مالك يازفته اكلت ولا مكلتش.
مي اخدت الاكل ونزلت.
الباب بيخبط….
ام ابراهيم فتحت الباب ازي حضرتك يا استاذ علاء اتفضل.
علاء ازيك يا ام ابرهيم.
ام ابراهيم الحمدلله بخير يابيه.
علاء شاف مي، اي دا هو انتو جبتو شغاله جديده وليه متبهدله كدا.
مي بصتله بقرف.
علاء خودي هنا انتي بتبصيلي كدا ليه انتي ناسيه نفسك انتي هنا حتة شغاله.
مي بعصبيه احترم نفسك.
علاء انتي ازاي تردي عليا كدا.
وبعد مشده شديده بين علاء ومي…
علاء مين دي؟!
سهر دي مرات اسد.
علاء بصدمه اسد يتجوز واحده بالشكل دا.
اسد نزل علي الصوت، اي في اي مالكم، علاء هو انت جيت امته.
علاء لسه من شويه، هو انت صحيح اتجوزت من دي.
اسد الزم حدودك دي مراتي ومسمحش حد يكلمها بطريقه مش كويسه.
دوره اهدو وصلو علي النبي مش كدا.
سهر من وقت مادخلت البيت وهي بتعمل مشاكل.
اسد اتفضلي اطلعي قدامي فوق.
غلق باب الغرفه بعصبيه…
اسد انتي ازاي تقفي تتكلمي مع علاء، انتي فاكره نفسك جايه من الزريبه بتاعتكم، احنا هنا لينا حياتنا انا مسماحلكيش تتكلمي مع حد، وبعدين بصي لشكلك ما طبيعي يفتكرك الشغاله هو في ناس لسه بتلبس كدا، اما متربيه مع الجاموس بصحيح.
مي سمعت كلامه ووقعت بكاء علي الكنبه.
اسد بصلها بحزن وعرف اد اي هو جرحها بالكلام، ولسه بيفكر يعتذرلها ولكن غروره منعه.
في الجانب الاخر…
علاء هو ازاي اسد ياطنط يتجوز واحده زي دي، عرفها فين وازاي؟!
سهر انا هقولك، دي بنت اونكل عبدالله الله يرحمه، عاشت مع جدها وجدتها.
علاء يقاطعها، بس شكلها كدا ليه.
سهر يابني دي فلاحه عاشت وسط الفلاحين ، فطبيعي تكون كدا لبسها طريقتها زي ماشوفت مش شبهنا خالص.
علاء واسد بجلالة قدره ليه يتجوز وحده زي دي ويقبل بيها.
سهر ابدا مقبلش ولا حاج هو اتجوز من غير مايعرف، اونكل سعد كتب كتابه علي الشرشوحه دي من غير مايعرف وجابها تعيش معانا هنا، واسد علشان ميزعلش اونكل وافق يكمل، بس زي ما انت شايف مش طايق يشوف وشها لبسها نقاب علشان ميشوفش شكلها.
علاء ضحك حكايه لو مسلسل كنت هقول المؤلف مأڤور كتير.
دوره هو انت جيت ليه يابني.
علاء سهر كانت بتدور علي كتاب وانا جبتهولها.
دوره والله فيك الخير يابني ومامتك وباباك عاملين اي.
علاء بخير الحمدلله والله.
دوره وشغلك تمام.
علاء كلو زي الفل الحمدلله.
سهر بخبث اي رايك في مي مرات اسد.
علاء بإمانه رغم لبسها وطريتقها بس مفيهاش غلطه وحده، يابخته بيها اسد دايما محظوظ.
سهر بس اسد مش بيحبها وبيكرها كره العمى، ومسيرهم يطلقو شوف انت بقا.
علاء بتتكلمي بجد.
سهر اه وانت وشطارتك بقا.
علاء بس بشرط مش هعرف من غير مساعدتك.
سهر اشطا اتفقنا.
في الجانب الاخر…
اسد نزل المكتب متعصب، عينه وقعت علي كتاب الكاتبه المجهوله، معقوله سهر تكون بتقرا للكاتبه المجهوله، مسك الكتاب وبدء يقرا ومن كتر ماهي اسلوبها جذبو للقراءه فضل يقرا لحد ما راح في النوم العميق.
وفي صباح اليوم التالي…
مي صحيت دورت في كل الاوضه والساعه ١٠ الصبح الحمدلله اسد خرج.
رنا الو صباح الخير يابنتي، انتي فين مختفيه كدا.
مي اسكتي دا انا كل شويه بتحصلي حاجه جديده، وقابلت اسد بس الحمدلله معرفنيش، في حاجات كتير حصلت لازم نتقابل وتشوفيلي حل وتساعديني.
رنا اكيد يابنتي تيجي نتقابل الساعه ١١ في كافيه.
مي لا دا اسد هيقبلني الساعه ١١ في الكافيه جنب المؤسسه، انا عندي فكره اي رايك تعدي عليا بالعربيه وتوصليني وفي الطريق نتكلم في كل حاجه.
رنا تمام يلا اجهزي مسافة الطريق واكون عندك.
مي اهم حاجه انا واقعه في مشكله، انا محتاجه لبس بإي شكل.
رنا ماتقلقيش هاخدك مكان هتلاقي كل حاجه عايزاها هناك.
مي تمام.
مي لبست ونزلت خرجت ل رنا.
سهر واقفه في البلكونه ولمحت مي، هي البنت دي كل يوم كدا تخرج ومنعرفش بتروح فين، انا لازم امشي واراها واعرف بتقابل مين…
