مسعود كان راجع بيته بعد يوم كامل ومتعب، وفجأة لقا بنت صغيرة عمرها خمستاشر سنة أو تمانتاشر سنة بتحاول ان هيا توقف اي عربية اجره عشان تنقلها لبيتها.
بصلها مسعود واتخيل ان هيا ممكن تكون زي بنته وتتعرض لنفس الوضع، عشان بنته زهراء في نفس العمر تقريبا وبتخرج تاخد دروس خصوصية كتير.
عام في منطقة الرعب ………….. قصة واقعية
السحر الاسود
جاك الســـــــــــــــــــــفاح
وقف مسعود جنب البنت وسألها انتي عايزه تروحي فين!!
قالتله انا عايزه اروح اخر الشارع يا عمي بس مفيش اي عربية راضيه تقفلي.
بصلها وحس ان المكان اللي هتروحه بعيد شويه ولكنه حطها في مكانة بنته وقالها اركبي.
بعد شوية وهما في الطريق لقا البنت بردانه جدا فاداها المعطف بتاعه والقفاز عشان تتدفا.
لما وصل مسعود للمكان اللي البنت وصفته لقا ارض فاضيه وهو يعتبر مكان بره المدينة.
نزلت البنت وهو روح بيته.
أول مدخل البيت مراته سألته لي اتأخرت انا اتصلت بيك كتير وانتا مردتش.
افتكر مسعود ان موبايله حطه في جيب المعطف اللي اداه للبنت وهو خارج من الشغل.
حكى مسعود لمراته اللي حصل وقالها انه هيرجع بكره عشان يجب موبايله من البنت.
وفي صباح تاني يوم راح لنفس المكان، لكن اللي فتحت لي الباب كانت ست عجوزة.
سألته عايز اي يا ابني!
قال مسعود: انا وصلت بنت هنا امبارح، واديتها المعطف بتاعي وشويه حاجات تخصني.
العجوز: بتقول اي مش سمعاك كويس!
كرر مسعود اللي قاله على الست الكبيرة خمس مرات وهو حاسس ان كل مرة ملامحها بتتغير لكن مداش الموضو اهتمام.
اخر مره الست العجوز قالتله مفيش حد بيسكن في البيت ده أو المنطقة كلها غيرها.
حس مسعود ان الموضوع غريب، لأنه كان متأكد من العنوان، قالها هاتي كوب ميه.
دخل البيت وفضل يبص على الصور القديمه، ولقا من ضمن الصور اللي على الحيطة صورة البنت اللي وصلها امبارح.
قال مسعود: يا جده دي البنت اللي وصلتها امبارح هيا فين!!
العجوز: بتقول اي يا بني ولما سمعت اللي بيقوله بعد معاناه قالتله دي حفيدتي وماتت من عشر سنين!!
مسعود شعر بالصدمة وقرر انه يسيب المنزل فورا ويروح يحكي لاصحابه اللي حصل.
صديق مسعود لما حكاله سأله عن المكان بالضبط!!
راح مسعود قاله ده في اخر الشارع الجنوبي ووصفله العنوان كامل.
رد عليه صديق ليهم كان بيسمعهم وقاله انت بتقول اي!! المكان ده كل اللي فيه ماتوا بحريق من خمسة عشر سنة!!
