منير لا يابني الاصول بتقول لمه عمها يكون موجود.
زين تمام تقدر تشوفو وانا بعد بكرا بإذن الله هكون هنا علشان نقرا الفاتحه. والخميس نكتب الكتاب.
الطفل المُختار
رحلة حل الألغاز…كانت الدعوة مخطوطة قديمة تحمل ختمًا غريبًا وتحذيرًا مشفرًا
من الكذب والغش إلى النزاهة والتحول الحقيقي…الصدق هو أساس الثقة والاحترام
منير وليه كدا مش مستعجل يابني. بدري علي الكلام دا.
زين بصراحه ياعمي انا هكون مبسوط جدا لمه اسيل تنور بيتي.
منير تمام يابني علي بركة الله.
زين استأذن انا تصبحو علي خير.
منير وانت من اهل الخير يابني.
في الجانب الاخر …
علي بيحاول كتير يتواصل مع مي بس هي مش بترد دي حتي اول يوم شغل محضرتش. معقوله زعلانه مني كل دا. فضل يرن اكتر من مية مره وهي مبتردش. لحد ما فكر يبعتلها علي الواتساب. ردى عليا ضروري عايزك في شغل مستعجل دا لينك المكان هتقبليني فيه بكرا.
مي تمام. وقفلت النت من غير حتي ماتشوف هو هيرد يقول اي.
علي هو اي اللي بيحصلي دا من وقت ماشوفتها وانا حالي متشقلب. معقوله اكون حبيتها. لا لا لا مش ممكن احب وحده هي اساسا بتكرهني. انا لازم ابطل احبها.
زين اول ماطلع من بيت اسيل. راح عند اهله في قصر العيله الكبير. الفيلا دي ملك ل زين اغلب الوقت هناك لكن هو في الاصل عايش مع اهله.
زين اول ما دخل القصر. اي دا ازيك يامفعوصه عامله اي وحشتيني.
سندس انا لو وحشتك بجد كنت تسال عليا.
زين والله ياحبيبتي انتي تعرفيني كويس لولا بس الفترا دي ضغط شغل عليا.
سندس معلش بقا هعديهالك المره دي.
زين ماما فين؟!
سندس ماما فوق نايمه وجود كمان فوق.؟!
زين تمام انا طالع فوق بقا اطمن علي جدو. لمه ماما تصحى قوليلها انه انا هنا.
سندس حاضر.
زين اي بقا يا سحس عامل اي.
الجد سحس اي يابني ماتعقل شويه.
زين بدلعك ياجدو. وحشتني.
الجد اي الغيبه دي كلها كنت بتعمل اي ؟! وطمني علي الشغل ماشي ولا اي الدنيا.
زين كلو زي الفل ياحبيبي اطمن.
الجد اي مش ناوي ترجع البيت. وتستقر معانا.
زين ان شاء الله ياسحس.
الجد سحس تاني برضو. يلا زي بعضو مش مشكله. عمك سافر.
زين علي فكره مسالتش عنه.
الجد يابني مينفعش تعمل كدا دا مهما كان عمك وفي مقام والدك بالظبط. مش علشان غلطه تعامله كدا.
زين بعصبيه انت عارف كويس هو عمل اي. وبعدين دا عمره ماهيكون زي والدي الله يرحمه. وطلع من الاوضه ومشي علي الفيلا.
علي الو..
زين فينك يابني عاش من شافك وسمع صوتك اخيرا.
علي انت فين.؟!
زين في الفيلا.
علي طيب انا جيلك دلوقتي.
زين تمام مستنيك.
في الجانب الاخر اسيل…
