فتحت الباب ام ابرهيم…
مي ياعمي مالك فوق فيك اي..؟! كلمي الدكتور بسرعه.
ليلة العمر الذهبية (الجزء 14 والأخير) للكاتبة حنان حسن
راكض المتاهة (الجزء الثاني)
ليلة العمر الذهبية (الجزء 11) للكاتبة حنان حسن
اسد دخل الفيلا اي دا هو في اي يا ام ابرهيم.
ام ابرهيم سعد بيه فتحت الباب ستي مي ولقيناه غايب عن الوعي وطلبنا الدكتور وزي ما حضرتك شايف.
اسد جري بخوف ولهفه طمني يادكتور.
الدكتور ماتقلقش كل حاجه تمام وهيبقا كويس بس اهم حاجه الأدوية في معادها.
مي ماتقلقش يا دكتور انا ههتم بيه.
الدكتور بصلها باستغراب لطريقة لبسها، وانتي هتعرفي المواعيد ازاي؟!
مي مسكت الروشته وقرتها.
الدكتور بدهشه طيب تمام عن اذنكم.
اسد بص بذهول، هي ازاي بتعرف تقرا انجليزي مش ممكن.
اول ما خرج الدكتور ومي فضلت لوحدها مع سعد…
مي ابوس ايدك متسبنيش لوحدي انا مليش حد غيرك، انت كل حاجه في حياتي كلهم مشيو وسابوني ومليش حد غيرك، حتي اسد اللي جدي كان فاكر انه هياخد بالو مني اكتر واحد بيأذيني، ارجوك متسبنيش زيهم.
اسد شعر بالحزن، انا فعلا بظلمك معايا ذنبك اي في اللي مامتك عملته بعاقبك انتي ليه، ودخل الاوضه، بكل هدوء طلب من مي انها تطلب من الخدم يحضروا اكل لباباه.
مي باستغراب دي اول مره يتكلم بهدوء معايا، حاضر وخرجت من الاوضه.
علاء صباح الخير.
مي صباح النور.
علاء انا اسف علي اللي حصل اخر مره، مني ووعد انه مش هيتكرر ممكن تقبلي الورد دا هدية اعتذار مني.؟!
مي ابدا محصلش حاجه، انا اسفه مش بقبل هدايه من حد معرفوش.
اسد خرج فجأه من الاوضه، انتي واقفه بتعملي اي هنا، وانت انا مش قولتلك ما اشوفش وشك هنا تاني، وكمان جايبلها ورد.
مي ممكن تفهم بس.
اسد افهم اي، انتي تخرجي برا وماشوفش وشك هنا تاني، انا غلطان من الاول انه وافقت بواحده زيك فلاحه.
مي انا مش ممكن افضل ولا دقيقه هنا، خرجت من البيت بسرعه وهي تبكي في الشوارع بلبس الخدم، وكمان مش معاها فلوس ولا اي حاجه غير الموبايل.
رنا الو.
مي ببكاء شديد الحقيني يارنا بسرعه اسد بهدلني، و طردني وانا في الشارع مش معايا لافلوس ولا اي حاجه مش عارفه حتي اجرع بيتي جدي ازاي..؟!
رنا انتي فين بالظبط، مسافة بس الطريق وهكون عندك.
في الجانب الاخر..
رنا بقا هو دا صاحبك اللي اتغير وحبها، شوف بيعمل فيها اي.
لؤي انا مش مصدق اللي عملو اسد بجد والله.
رنا لا صدق دا انسان معندوش قلب، مي لو عرفت اللي احنا بنعمله واتفقنا مع اونكل سعد علشانها هي واسد هتخسرني للابد.
لؤي احنا بنعمل خير بنحاول نقرب ما بنهم، المهم دلوقتي هتعملي اي.
رنا هخدها عندي في البيت لحد ما تقرر هتعمل اي.
وصلت عند مي..
مي منهارة من البكاء انا مش عارفه اقولك اي بجد شكرا.
رنا احنا اخوات واصحاب، عشرة عمر ماتنسيش كدا.
في الجانب الاخر…
سعد بدء يفتح عينه مي، مي …
اسد الحمدلله انك بخير يابابا.
سعد مي بنت فين؟!
اسد سيبك منها دلوقتي بس يابابا وطمني عليك.
سعد انا هكون كويس لمه اشوف بنتي مي دي امانة سابها اخويا ليا.
اسد حاضر يابابا اول ماترجع من برا هخليها تدخل عندك.
اسد طلع من الاوضه بيكلم نفسه، طيب انا هعمل اي دلوقتي، خرج بسرعه يدور حاولين الفيلا، مفيش اي اثر، انا جيت عليها جامد وظلمتها.
عند رنا في البيت…
سها ماتزعليش يابنتي كل حاجه هترجع زي الاول واحسن ثقي في ربنا وخلي ايمانك في ربنا كبير.
رشدي بصي يابنتي انتي زي رنا بنتي بالظبط، عايز اقولك انه ربنا دايما شايل كل حاجه حلوه خلي دايما ايمانك في ربنا كبير، ربنا مش بينسي عبد من عباده.
مي ونعم بالله انا واثقه في ربنا وعلشان ثقتي فيه مستحمله كل اللي بيحصل معايا ولسه واقفه عي رجلي.
اسد رن الموبايل، جلال باشا.
اللواء جلال عندك مأموريه لمدة شهر جهز نفسك السفر بعد اسبوع، كل التفاصيل هتعرفها في يوم السفر.
اسد تحت امرك يافندم، بس والدي تعبان ومش هقدر اسيبه لوحده.
اللواء جلال السفر بعد اسبوع، انا علشان خاطر والدك وعرفت انه تعبان الاسبوع دا كلو اجازه لحد يوم السفر.
في الجانب الاخر…
رنا بصي دا اعتبريه من النهرده دولابك كل اللي يلزمك خوديه.
مي انا مش عارفه اشكرك ازاي علي كل اللي بتعمليه معايا.
رنا مفيش شكر بين الاخوات.
اسد بيدور في كل مكان مفيش اي اثر ليها، حاسس بتأنيب الضمير، عم صلاح!
صلاح نعم يا استاذ اسد؟!
اسد انت تعرف المكان اللي كانت عايشه فيه مي؟!
صلاح ايوا يا سعت البيه.
اسد جهز العربيه بسرعه ويلا علي هناك.
اول ما وصل للقريا..
اسد البيت مقفول بالقفل اكيد مش موجوده جوا؟!
صلاح ممكن يا سعت البيه تكون عند محسن مدير اعمال جدها الله يرحمه.
اسد طيب بسرعه علي هناك.
محسن اهلا اهلا ازيك يا استاذ اسد، هي مي بنتي فين ليه مش معاك؟!!
اسد هي مش موجوده عندك؟!
محسن لا مش عندي انا من اخر مره وصلتها عندكم مشوفتهاش تاني.
اسد طيب تفتكر راحت فين ممكن تكون راحت لحد تعرفه هنا؟!
محسن بنتي مي ماتعرفش حد، جدها الله يرحمه كان مانع اختلاطها مع اي حد في البلد كان بيخاف عليها، دا حتي لمه كانت بتروح الجامعه بالعربيه وتفضل معاه لحد ما ترجع تاني.
اسد في سره هي كمان متعلمة علشان كدا قدرت تقرا الروشته بالانجليزي، هو انا في اي ولا في اي.
محسن هي ممكن تكون عند زميله ليها اسمها رنا.
اسد تاهت ازاي من عليا دي، خرج بسرعه وكلم صاحبه لؤي الو..
لؤي اي يابني فينك.
اسد مش مهم دلوقتي، انا عايز منك خدمه، تكلم رنا خطيبتك وتحاول تعرفلي طريق مي.
لؤي مي مين؟!
اسد مي مرات ياغبي، رنا اكيد تعرف مكانها.
لؤي بتردد هحاول.
لؤي الوو رنا احنا في مصيبه.
رنا مصيبة اي.
لؤي أسد كلمني وعايز يعرف مكان مي منك.
رنا نهار اسود وهو عرف منين انه انا اعرفها.
فلاش باك …
اسد اول ما خرج من عند محسن، ازاي ماشكيتش للحظة فيها نفس ريحة البرفان، نفس لون العينين، صوتها انا غبي كل دا قدامي وانا مش شايف حاجه كلو بسبب غلطة عملتها زمان مامتها، انا لازم اعرف الحقيقه.
اسد دور في الأوراق واكتشف انه سبب كل الكره دا عمته، لانه اميره مرات عمه عبدالله مسكتها هي وجوزها متلبسين بيسرقوا الفلوس ولمه قررت تفضحهم لبستها التهمه، حس بالندم علي كل السنين اللي كان شايل الكره ليها، وعلي معاملته الوحشه.
رنا الحقي يابنتي اسد عرف كل حاجه.
مي بصدمه ازاي وامته.؟!
رنا مش مهم ازاي المهم هنعمل اي ؟!!
مي مسكت الموبايل، وركلمت اسد.
اسد بلهفه الو.
مي انا منتظراك في نفس الكافيه.
اسد اول ما وصل عندها، انا عايز اقولك..
