مازن في صوت صراخ من جوا دخلو للاوضه بسرعه وشاف ندى بتحاول ترمي نفسها من فوق واسيا بتحاول تمسكها.
ندى سيبوني..
من النرجسية إلى الشفاء… رحلة جايسون في استعادة الذات وتحقيق التوازن الداخلي
الفصل الأول (الافعى والعقرب)
من لاعب موهوب إلى أسطورة كرة القدم وملهم للشباب
الدكتور بسرعه اخدت المنوم ونامت سيبوها دلوقتي ترتاح الحقنه دي هتنيمها لمدة طويله.
مازن مش هينفع اسيبها تعيش لوحدها انا هخدها معايا من تاني. واخلي بالي عليها.
يزيد عندك حق. بس مش هينفع تعيش معاك علي طول.
مازن انا خايف عليها وانت سمعت الدكتور قال اي. اول ما الاقيها بقت كويسه وقتها هرجعها تعيش لوحدها وانا مطمن.
يزيد تعرف انا صعبانه عليا مش قادر اتخيل كل اللي حصلها صعب حد يتحمله. دا غير ابوها طلع شخص ظالم كل دا حصل لينته وهو لسه علي قيد الحياه.
اسيا شافت كل دا وفضلت تعيط. حاول يهديها يزيد واخدها يزيد يوصلها البيت.
مازن قعد سهران علي الكرسي لتاني يوم خاف انها تأذي نفسها من تاني.
ندى اول مافتحت عنيها وشافت مازن.
مازن صباح الخير. كويسه النهرده.
ندى بصت فيه وصوتها مش قادر يطلع. هو حصل اي ل خالتو عايزه اعرف كل حاجه.
مازن بصلها بحزن وحكا كل اللي حصل.
ندى سكتت شويه. انا عايزه اروح عند قبرها ازورها.
مازن حاضر خدي الادويه دي وافطرس وهنطلع علي طول.
ندي بقولك عايزه ازور خالتو حالا مش هاخد حاجه.
مازن اخدها وطلعو واول ماوصلو هناك.
ندى لو سمحت حابه اكون لوحدي.
مازن فضل مستني بس قريب من غير ماتاخد بالها.
ندى وعدتيني انك مش هتسبيني لوحدي. واننا هنعيش سوا. مشيتي وسبتيني ليه وكمان عند ماما طيب كنتو خدتوني معاكم. سبتوني في الدنيا لوحدي ومشيتو ليه. مليش حد غيركم.
مازن سمع كلامها مقدرش يتمالك نفسه. وراح عندها. كفايا كدا ياندى يلا هنمشي.
ندى سيبني انا مش عايزه امشي من هنا خالص انا هفضل معاهم.
مازن متقوليش الكلام دا انتي واحده مؤمنه بالله ازاي تقولي حاجه زي كدا خلي عندك دايما ايمان وان شاء الله كل حاجه هتبقا كويسه ثقي في ربنا.
ندى كلهم مشيو وسبوني انا مش عارفه اللي بيحصل دا كلو معايا ليه؟! انا ذنبي اي انه بابا يطلع بالشكل دا ويرميني وحتي اخر امل ليا خالتو يحصلها كل حاجه وحشه بسببي انا مبقاش ليا حد في الدنيا خلاص كلهم مشيو وسبوني لوحدي.
مازن انا معاكي ومش هسيبك مهما حصل. اخدها ومشيو واول ما وصل البيت. انا هحضر العشا.
ندى انا مليش نفس هروح انام. عن اذنك.
خبط الباب…
مازن فتح الباب.
يزيد ازيك يابني طمني عليك. وندى عامله اي دلوقتي صحتها بقت كويسه.
مازن كل يوم بتسوء ومش عارف اعملها اي. ربنا يكون في عونها اللي بتمر بيه مش سهل برضو. في اللحظة دي حصلت الصدمه…..
ندى دخلت الاوضه. سمحني ياارب مش قادره حاولت تنهي حياتها وقعت علي الارض.
مازن سمع صوت خبطه علي الارض. جري فتح الباب ندى مرميه علي الارض.
يزيد بسرعه يامازن يلا ناخدها علي المستشفي. حاول كتير انه يفوقها هو ومازن بس مفيش فايده.
الدكتور دخلوها العمليات فورا.
مازن فضل يعيط ويصرخ لا متروحيش مني دا انا اتغيرت علشانك وبقيتي كل حياتي هتسبيني بعد كل دا..؟!
الدكتور بسرعه محتاجين متبرع بالدم . الحاله نزفت دم كتير.
مازن انا يادكتور.
بعدها بدء تتحسن ندى.
الدكتور الحاله دلوقتي مستقره. بس في مشكله واضح انها حاولة تنهي حياتها. وكدا لازم نعمل محضر..
مازن غصب عنها حالتها النفسيه صعبه. وانا مستعد اديلك كل الفلوس اللي عايزها بس متعملش محضر.
الدكتور تمام.
مازن ممكن ادخل اطمن عليها.
الدكتور اتفضل. بس متخلهاش تتتكلم لانه المجهود غلط عليها.
مازن بص لندى بقا ينفع تعملي كدا فيا؟ بدء يعيط.
ندى انا جيت هنا ازاي.؟!
مازن مسح دموعه من غير ماتاخد بالها ندى. اي ياست هانم هو ايمانك بربنا ضعيف اوي كدا. ازاي تعملي حاجه زي دي حياة الانسان غاليه فكرك هترتاحي بدا. مفيش حاجه بتغضب ربنا بتريح.
ندى مكنش بإيدي حل تاني ماما مشيت وسابتني تعبت في حياتها كتير. وبابا طردني في عز ما انا كنت محتجاه. وخالتو كانت الامل الوحيد ليا وبرضو اللي حصلها بسببي مكنش قدامي حل تاني. مبقاش في حاجه علشان اعيش عنها كل اللي كانو الامل وبعشلهم سبوني لوحدي في الدنيا دي.
مازن لو كل حد عمل كدا عند اول وقعه مكنش زمان حد عايش وبيحارب الدنيا الصعبه. كلنا فارقنا حبايب بس محدش فكر بالشكل دا. اللي يفكر بالطريقه دي ايمانه ضعيف بربنا. انتي دلوقتي جبتي مجموع عالي. وحطيتي رجلك علي اول الطريق في مساعدت الناس هتكبري بكرا وهتبقي احسن دكتوره هتسيبي كل اللي محتجينلك. معقوله هتسيبي دا كلو وتمشي.
ندى سكتت. عنده حق مينفعش استسلم للشيطان. لازم يكون عندي إرادة وصبر علي قضاء ربنا.
قدر مازن يقنعها بأسلوبه….
مازن هسيبك انا دلوقتي ترتاحي خلي بالك من نفسك.
ندى ابتسمت شكرا علي وقفتك جنبي.
مازن طلع من عندها وكانت في مفاجأة بانتظار مازن خلف الباب…
اسلام الحديدي انا مش قادر اصدق اللي سمعته دا بقا مازن بجلالة قدره. بيتكلم عن الايمان والحلال والحرام. مازن اللي من اكبر موزعي الشر علي الناس واذيتهم بقا كدا. دا انا حتي لمه قالي الراجل بتاعي قولت ابدا اشوف بعيني علشان اصدق وضحك..
مازن انت اي اللي جابك هنا. شكلك كدا حابب اعمل فيك زي المره اللي فاتت.
اسلام ضحك هو انت فاكر لمه تعمل كدا هخاف منك. لا يابابا فوق لنفسك انا سايب تجارتك دي براحتي اصلي ميولك الاجراميه عاليه فاسيبك تلعب براحتك. انما توصل انك تخطف العملا بتوعي دا مش هسمح بيه ابدا. وخاف واعمل حساب للي جوا…
مازن انت بتهددني.
اسلام سميها زي ماتسميها لو شوفتك واقف في طريقي مش هرحمك. وضحك والله وبقالك حاجه تخاف عليها يامازن..
مازن دخل علي الدكتور انا عايز ممرضه تقف جنب ندى في الاوضه متفارقهاش لحظه لو حصل اي حاجه صدقني مش هرحمك.
وبسرعه خبط علي باب يزيد.
مازن الشغاله لو هنا مشيها بسرعه.
يزيد اه اتفضلي طيب دلوقتي وبكرا ابقي تعالي كملي شغلك.
في اي يابني طمني..
مازن شوفت اسلام الحديدي النهرده في المستشفي وبيهددني.
يزيد مالك يابني انت تعبان ولا اي.
مازن دي ندى حاولت تنهي حياتها وجريت بسرعه علي المستشفي. مش وقت صدمات دلوقتي المهم انه هددني انه هيأذي ندى. وانا مش هسمح بكدا وقف شغلنا وسيبو ليه الفترا دي.
يزيد انت بتقول اي وفكرك انك لمه تعمل كدا هو هيسيبك في حالك. دا احنا هنخصر ملايين قصاد البنت دي.
مازن كل دا مش مهم المهم عندي ندى. دي بقت كل حاجه بنسبالي ومش هسمح انها تتأذي بسببي.
يزيد انت عارف انت بتقول اي نسيت زمان انك قولت الحب بيضعف اديك ضعفت من اولها واستسلمت. قررت تسيب شغل بملاين ل اسلام الحديدي فوق ياصحبي قبل ماتغرف وتغرقنا معاك.
مازن انا مش عايز اكمل في الطريق دا. انا خلاص توبت انا بقيت بتكثف لمه ببص في عنيها البريئه. ظروفها اصعب مننا بكتير ورغم كدا محاولتش تعمل حاجه حرام ولا تغضب ربنا.
يزيد انا مش قادر اصدق انه دا مازن اللي قدامي. معقوله دا. بقولك يا صاحبي بلاش نفتح في الماضي انت نسيت احنا كنا اي وبقينا اي دلوقتي لينا اسمنا في السوق ازاي احنا شركتنا في كل دول العالم ليها فروع. جيلي دلوقتي تستغني عن كل دا في لحظه كدا. وفكرك لو عملت كدا برضو اسلام هيسيبك في حالك هيفضل وراك برضو لحد ما يخسرك كل حاجه.
مازن كل اللي بتقوله مايفرقش معايا المهم عندي ندى تكون بخير وماتتأذيش ولا اي مكروه يحصلها بسببي.فكرك لو حافظت علي ثروتي وفلوسي وهي خسرتها هكون مبسوط.
يزيد اكيد اللي قدامي وبيتكلم دا مش مروان اللي انا اعرفه مش بيفكر كدا ولا بيفرق معاه حد. تطلع مين البنت دي اللي قدرت تشقلب كيانك كدا في لحظه.
مازن البنت دي اللي بتتكلم عليها الوحيده اللي قدرت تدخل قلبي. وانا مش مستعد اخسرها مهما كان السبب.
يزيد وقتها ياصاحبي هتبقا خسرتني. انا معنديش استعداد اخسر شغلي والكيان اللي نبني فيه لينا سنين. انا طول عمري في ضهرك وبسمع كل كلامك بس مش معنى دا انه انا هوا ومليش رأي. الشغل هيتسلم في وقته ومش هيقف لاي سبب من الاسباب. ولو هتقف في طريقي تبقا هتخسرني للابد.
مازن سمع كلامه ومشي. وصل عند ندى اخدها من المستشفي ومشيو اخدها يغديها في مطعم طول الطريق وهو ساكت ومش بيتكلم.
ندى انا اسفه انه حطيت في الموقف الوحش دا. مكنش ينفع اعمل اللي عملته دا سامحني.
مازن سكت ومردش عليها واول ماوصلو. كنت عايز اسالك علي حاجه كدا.
ندى اتفضل تحت امرك.
مازن لو في حد اتقدم لوحده وبعدها هي اكتشفت انه ماشي في الطريق الوحش هتوافق هل عليه وتكمل حياتها ولا لا كونه مستعد يخسر كل حاجه علشانها.
ندى وهي اي يضمنلها انه ميرجعش للطريق الوحشه من تاني بعد الجواز انا من راي بلاش ترتبط الوحده بحد زي كدا ملوش امان لانها هتفضل طول الوقت خايفه منه.
مازن حاول يداري صدمته. حتي لو صارحها من البدايه؟!
