احمد جى البيت عندنا وبدا يتكلم عن حياته وعن مراته وعن بنته وزينب سالته عن سن بنته ولقيته مناسب جدا لادم ابنها وساعتها قررت ان هي تنفذ وصيته اللي في الرساله وكانت عايزه تجوز يارا لادم.
واحمد وافق ورحب بالموضوع جدا خصوصا لما عرف عن نجاح ادم وعن شخصيته انبهر بي وانا وزينب حاولنا نقنع ادم كذا مره بالجواز لكن لا حياه لمن تنادي وكان مصر ان هو مش عايز يتجوز ومنشف دماغه.
قسوة الاب
أحببتها أثناء انتقامي (الجزء الثالث عشر) للكاتبة عليا حمدي
احببتها اثناء انتقامي (الجزء33)
وفضلنا نقنع في فتره كبيره ولاول مره ادم كان يرفض طلب لزينب ويعارضها وما يسمعش كلامها وكان رده انه مش عايز يتجوز علشان ما فيش واحده تشغله عن امه او تبعدوا عنها وعايز يفضل طول عمره تحت رجليها وما يحبش غير امه بس.
وطبعا فكره ان ادم رافض الجواز فكان صعب علينا نجوزوا ليارا بس طبعا زينب ما استسلمتش واصرت ان هي لازم تجوزهم هم الاثنين.
وكان لازم نلاقي خطه وكان احمد دايما بيجي يزور زينب بس عمره ما شافها وانا مش موجود وكان بيستنى لما انا اجي اقعد وبعد كده يشوفها وانا ما كنتش بخليه يشوفها غير لما حسيت منه فعلا مشاعر صداقه حقيقيه وما حسيتش منه باي مشاعر حب.
وعمرو ما اتكلم معاها اي كلمه غير وانا موجود وكان اغلب مواضيعه اللي بيفتحها عن عيلته عن بنته يارا وكان اغلب كلامه عن بنته يارا ولما زينب شافت صورتها وسمعت عنها اصرت ان هما لازم يتجوزوا وقالت: هما مخلوقين لبعض.
وفي يوم زينب كتبت مذكره لنفسها وكتبت رساله لادم واديتهم لي وقالتلي عايزاك تعاهدني يا رافت على انك مهما حصل ومهما جرى لازم تجوز ادم ويارا لبعض تحت اي ظرف سواء هما الاثنين اتجوزوا غصب او بمزاجهم لازم هما الاثنين يتجوزوا.
وعارفه في الاخر ادم هيحب يارا وهيموت فيها لان احمد انا واثقه في تربيته وعارفه الحاجات اللي هيزرعها في يارا لان الحاجات دي زرعها فيا قبل كده.
وانا عارفه ان ادم هيحبها جدا وفعلا وعدتها انا واحمد اننا هنجوزهم وسبحان الله بعد اسبوع بالظبط توفت زينب وكانت دى اكبر صدمه خدتها في حياتي وغير ان هي سايبالى في رقبتي دين ووعد لازم انفذه.
وطبعا بعد وفاه زينب ادم حاله تدهورت جدا وبقى انسان عنيف وعصبي وبقى شخص مش طبيعي وتبدل 180 درجه وحالته بقت اصعب من الاول بكتير ورغم كل التغيرات اللي ظهرت عليه دي الى انه لسه بنفس البرود اللي كان عليه في الاول.
وبروده ده قتلني انا كاب وانا بشوف ابني كده قدامي فضلنا انا واحمد نفكر ازاي نقنع ادم وحاولت كتير معاه لكنه ما سمعش كلامي وانا ما لقيتش غير حل واحد وهو اني استغل حبه الجنونى لزينب.
وخدت منها المذكره بتاعتها وحطيتها في الهدوم بتاعته من غير ما ياخد باله وطبعا قطعت الورق بتاع لحظاتنا السعيده اللي عشيتها معانا علشان يشوف بس الحاجات الوحشه ويحب ينتقم لامه.
لانه معروف عن ادم ان اي حد بيجي على امه او بس بيضايقها بكلمه ادم بيقلب حياته كلها جحيم وكانت خطتنا بتنص ان ادم يقرا المذكرات دي ويفكر في الانتقام لامه.
وعرفت احمد ان ادم هيحاول يوصل له باي طريقه وساعتها لما يقابلوا بعض احمد لازم يلمح له باي طريقه ان عنده بنت وقتها انا هقترح عليه يتجوز وطبعا اول حاجه هيفكر فيها هي بنتك كانتقام منك.
وطبعا كاي اب احمد يتردد وخايف على بنته جدا لان كلامنا عن ادم ما كانش مبشر ليه خالص ان يارا تكون سبب انتقام واعطاء الكتير ورفض.
وانا استسلمت ليه وفضلنا ندور على حل ثاني بس مش لاقيين خطه مناسبه و في يوم احمد تعب جامد في شغله ونقلوه المستشفى بس الغريب ان احمد طلب منهم ما حدش يعالجه ورن عليا وقال لي ان هو مش هيتعالج غير لما ادم يقرر يتجوز.
وقال لي ان هو فكر في الموضوع كثير ولقى ان الحل الوحيد ان هما الاثنين يتجوزوا وطلب مني ما اعرفش حد في البيت بتعبي وبدات انفذ الخطه وحطيت المذكره في هدوم ادم.
وادم فعلا قرا المذكره وعلى ما اظن ادم اليوم ده كانه اتحول لشيطان وبقى شكله شيطاني جدا ويخوف ولان يوسف صاحبه القريب منه والوحيد اللي بيحكيله كل حاجه ادم حكى ليوسف القصه بتاعته وقالو يدور معاه على احمد.
ولان يوسف بيحب ادم وخايف عليه فكر يجي يحكيلي ويقول لي على فكره انتقام ادم .
وفعلا جه كلمنى وطلب مني اني احاول اقنعه انه يبعد عن الفكره دي وانا طبعا استغليت الفرصه وفرحت جدا لان اول خطوه في الخطه نجحت .
فكرت كتير في خطه ان اخلي ادم يروح يقابل احمد بيها واوصله لاحمد من غير ما ياخد باله ان انا اللي موصله وجات في بالي فكره حلوه جدا وقررت انفذها في يوم كان ادم قاعد معايا وقراءت قدامه اسم احمد في الجريده وعرفته انه كان في ضائقه ماليه وكان الموضوع صدفه بس في الواقع الموضوع كان متدبر.
واحمد سحب كل فلوسه وخلى الظاهر هو انه فعلا بيعاني بسبب معاناه الشركه وفعلا راح ادم لاحمد والخطه نجحت.
واحمد ما كانش عارف يعمل ايه فقرر انه يخترع حكايه بيع الارض علشان يكسب وقت يقدر يعرف فيه ادم على يارا واحمد كان ناوي يخلي ادم يخطبها ويتعرف عليها في الخطوبه ولما يشوفها ويعرف روحها الحلوه ويعرف شخصيتها يحبها بجد.
بس يشاء القدر ان ادم يشتري قطعه الارض وما توقعناش منه الحركه دي نهائي وما كناش فاهمين هو عايز يعمل كده ليه لان طبعا ما حدش يقدر يوصل لدماغ ادم .
ولما اشترى الارض عجزنا وما كناش عارفين نتصرف معاه ازاي احمد كان عايز بس يجيبه البيت ويخليه يشوف يارا بس اتفاجئ ان ادم عايز يشتري الارض وشاء القدر بالصدفه ان يارا تنده على ابوها وادم يسمعها.
ويبدا يسال احمد على يارا واحمد فرح جدا واستغل الفرصه واتكلم عنها وقاله ان هي لسه بنت جامعيه ولسه مش متجوزه واحمد لما كلمني وعرفني انه عرف ادم بحوار يارا وان الخطه نجحت.
قررت ساعتها اني فاتح ادم في حوار الجواز لكن احمد بيفاجئني تاني يوم ان ادم اتقدم لبنته يارا وغير ان طلب منه ان هم الاثنين يعيشوا بره لوحدهم اتردد احمد بس وافق لان ما فيش في ايده حل ثاني.
وتم واتجوزوا هم الاثنين وكنا قلقانين على الوضع هيبقى عامل ازاي لكن كالعاده فاجئنا ادم انه بيعامل يارا بطيبه عكس ما كنا متوقعين تماما وكمان يارا تعلقت بيه وحبيته وكان احمد بيتعب كثير بس تماسك لحد ما يطمن على بنته.
وبعد ما اتجوزت وفرحنا بيكوا انتوا الاثنين سافرتوا وكنت انا قلقان اكتر من احمد على يارا وكنت خايف جدا بس على عكس ما كنا بنفكر تماما كنا دايما لما بنرن عليكم بنلاقيكم مع بعض ومبسوطين والفرحه خارجه منكم فرحنا جدا واطمنا.
وكمان لما خلصت شهور الاجازه ورجعت تاني لاسكندريه وعزمتونا في البيت كنا فرحانين جدا بيكوا كنا شايفين الحب الحقيقي في عينيكم واتبسطنا جدا بقربكم من بعض وانكم مبسوطين سوا وحياتكم ماشيه في اتجاه صحيح واتجاه الحب.
ساعتها قررنا نقول لكم الحقيقه علشان لو في اي خلاف بسيط بينكم يتلاشى تماما ودي كل الحقيقه انا عارف انها مش سهله انكم تسمعوا الكلام ده وخصوصا يارا انا اسف يا بنتي بس انا بحمد ربنا ان ادم قدر يحتويكي ويهون عليك وعلينا شويه.
رافت خلص كلامه وهو بيتنهد وخد نفس عميق وبعدها ارتاح وفجاه بيعوم السكوت في الغرفه كلها وكله قاعد مصدوم واكتر واحده يارا كانت مظلومه باللي سمعته كله وما حدش سامع اي حاجه غير الغرفه غير صوت تصارع انفاس سياره وهي عماله تنهج وفاتحه عينيها على الاخر وبصه في الارض.
وما كانتش مستوعبه الكلام اللي بتسمعه وبتحاول تكذب نفسها وبتبين ان هي في حلم لكن بتحس ان دي حقيقه فعلا وان كل دي لعبه لعبوها عليها علشان يجوزوها وما كانتش مصدقه ان اللي حصل ده بسبب ابوها وان ابوها كذب عليها وغير ان ادم كمان كذب عليها هو وابوه كان في تضارب مشاعر كتير جواها وما كانتش مركزه وما كانتش في وعيها هل فكروا هي عايزه ايه او هيحصلها ايه بعد كده؟
يارا رفعت عينيها من الارض وفضلت تبص في انحاء الغرفه وبتلاقي يوسف واقف وساند ظهره على الحيطه وباصص في الارض وحاسس بالذنب وبتبص لاروى وبتلاقيها واقفه وحاطه ايدها على بطنها وايد على بقها وعماله تعيط في صمت.
وبتبص على رافت وبتلاقيه قاعد ومنزل راسه وحاطط ايديه الاثنين على دماغه وبتبص على ابوها بتلاقيه قاعد على السرير وساند ظاهره على الحيطه ورافع راسه ومغمض عينيه وبتبص على سميه بتلاقيها قاعده وعماله تعيط في صمت وقلبها بيتقطع على بنتها.
وبتبص على ادم وبتلاقيه قاعد على الكرسي وساند ظهره ورافع راسه فوق ومفتح عينيه وعينه كلها حمراء وعلى وشه نظرات مميته وماسك مقبض الكرسى بشده.
وفاجاه يارا بتبص في الارض تاني وبعد كده بتقوم وبتبتسم ابتسامه ساخره وبتبدا تسقف ببطء كله رفع راسه وبص عليها الا ادم فضل زي ما هو بس غمض عينه.
يتبع…..
