علياء صحيت اخدت شاور وصلت. نزلت تحت صباح الخير.
الحاج محمود صباح النور يابنتي. يلا قدمي شويه واقعدي افطري معانا.
مجموعة من الأحداث الواقعية التي حدثت بالفعل
قصة الرجل الذئب ……. قصة واقعية
رحلة التطور والعودة إلى الجذور
علياء شكرا ياحج بس مش بفطر الصبح.
حسن تلاقيها خايفه علي جسمها يبوظ. وضحك.
علياء انا ممكن اكل السفره دي كلها وافضل زي مانا مع شويه تمارين بسيطه اوي.
مني والدة احمد هو انا مش زي امك يابنتي ينفع تكسفي امك والنبي لا انتي قاعده فاطره معانا بقي.
علياء بحزن اكيد ياطنط. وقعدت فطرت معاهم.
وبعد خمس دقايق صحيت شهد ومروة ومحمد وقاعدو وفطرو.
الحاج محمود اعمل حسابك يا احمد ياولدي هنروح نصلي الجمعه في الجامع.
علياء اي دا ممكن نروح معاكم ياحج.
الحاج محمود ضحك تروحي فين يابنتي بس. حدانا مفيش زيكم دا رجاله بس مفيش مكان تصلي فيه الحريم.
مروة اي دا بقا ياحج هو عندكم هنا مش مؤمنين بالمساواة وبعدين ما الست مفروضه عليها الصلاه زيكم بالظبط.
ضحك الموجودين…
الحاج محمود بابنتي اكيد احنا عندنا الست تنحط فوق الراس دي الام والبنت والزوجه. بس النبي صلي الله عليه وسلم وربنا سبحانه وتعالي صلاة المرأة في بيتها افضل. ماكان صلي الله عليه وسلم ينطق الا بالحق واكيد ربنا ليه حكمه في كدا.
شهد بخجل سكتت.
حسن وانت بقا يا احمد عامل اي معاهم. وبص ل شهد وعلياء ومروة أكيد مطلع عينكم.
علياء تقصد انا مطلعه عينهم.
احمد القائد بتاعنا علياء.
الحاج محمود تبارك الله يابنتي ماشاء الله ربنا يزيدك من فضله.
حسن وانت مش مكسوف من نفسك لمه ست تكون قائد عليك.
الحاج محمود وانتي يابنتي عامله اي معاهم. ربنا يقويكي اكيد مطلعين عينك.
علياء ابدا ياحج دا انا مخلياهم زي المسطره.
الحاج محمود كدا احسن يابنتي الجيل بتاع الايام دي محتاج حزم وشد الموبايلات والنت خرب الدنيا والحال اتشقلب.
علياء عندك حق ياحج بس متقلقش.
احمد اللي شايفها قدامك دي ياحج خلتنا نشوف النجوم في عز الضهر.
ضحك جميع الموجودين…
خرج الحاج محمود بصحبة الشباب للصلاه.
الحاج محمود ابقي خود صحابك ووديهم الاسطبل، والفرسه الي تعجبهم يطلعو عليها.
احمد تحت امرك ياحج.
اول ما وصلو الاسطبل..
احمد بصو بقا عيشو مع نفسكم اللي تعجبكم اطلعوا عليها زي ما امر الحج، اخد الفرس بتاعه وطلع.
كل واحد فيهم عجبته فرسه اخدها وطلع.
علياء الله اي الجمال دا، انا هاخد دي.
السايس مش هينفع ياست هانم دي لسه جديده ومش مدربه.
علياء بصت فيه من فوق لتحت واخدتها وطلعت عليها.
السايس حاول يمنعها كتير.
علياء مشيت بالفرس اسود شكلو تحفه، وما اهتمتش بكلام السايس.
السايس جري بسرعه علي الحاج محمود، الحقني ياحج مصيبه الحقني.
الحاج محمود وقف فورا من علي الكرسي في اي يابني خير مصيبة اي.؟!!
السايس في بنت من صحاب البيه اخدت الفرس الجديد وطلعت، منعتها بس مردتش عليا.
حسن مين دي؟!
السايس مش عارف يا بيه بس هي شعرها اصفر كدا وطويل.
حسن بخضه وخوف وقف، وبصوت عالي انت غبي وراحت فين.؟!
السايس مش عارف يابيه.
حسن اخد فرس وطلع يجري يدور عليها ملهاش اي اثر وكأن الارض بلعتها والخوف بدء يزيد عنده، دور كتير ومفيش برضو.
الحاج محمود استر يارب.
حسن رجع عند الحج محمود، ملهاش اي اثر دورت في كل مكان مفيش.
احمد مالكم في اي؟!
السايس زميلة ساعاتك اخدت فرس جديد وطلعت ومش لاقينها.
شهد دي اكيد علياء ماتقلقوش دي مش اول مره وضحكت.
محمد متخافش ياحج دي علياء عندها فرس محدش مننا بيقدر يقري جنبها غيرها.
وهما في حالة من الخوف والذعر صوتها…
علياء بفرح عاملتو اي؟! اليوم كان حلو اوي؟!
حسن بصوت عالي انتي مجنونه تقدري تقولي اي اللي عملتيه دا، قالقتيني عليكي.
علياء وانت تقلق عليا ببتاع اي، وبعدين انت مش من حقك تعلي صوتك عليا كدا، متنساش نفسك انا مش هنا عروستك.
الحاج محمود يابنتي هو مش قصده بس احنا خوفنا عليكي.
علياء حقك عليا ياحج، عن اذنكم. وطلعت اوضتها.
وفي صباح اليوم التالي…
علياء صباح الخير.
الحاج محمود صباح الخير يابنتي.
علياء ضحكت انا شكلي كدا هتعود افطر، ودا مش عادتي الصبح.
الحاج محمود بالهنا يابنتي.
علياء بصراحه كدا ياحج، انا اسفه علي تصرف امبارح.
الحاج محمود ولا يهمك يابنتي.
علياء ممكن اسالك سؤال ياحج.؟
الحاج محمود اتفضلي يابنتي تحت امرك.
علياء هو الفرس اللي اخدته امبارح دا ملككم؟!!
الحاج محمود لا يابنتي دا ملك واحد صاحبي، وبعدين يومين كان حسن هيوصله ليه، بتسالي ليه؟!
علياء بصراحه كدا كنت حابه اشتريه، عندي فرسه وكنت حاجه اجوزها وحبيت الفرس دا اوي، ممكن تعرض عليه انه يبيعهولي.
حسن بس دا ب ٦٠ الف هتشتريه وضحك.
علياء اي تمن يوافق عليه انا هدفعه.
الحاج محمود حاضر يابنتي هكلمه، واللي فيه الخير ربنا يقدمه.
علياء بفرح ان شاء الله هيوافق.
احمد انا مش عارف ازاي بنت زيك بتراوض خيل، اي مفيش ولا حاجه بتغلب عليكي.
علياء ضحكت اه مفيش.
مني اي يابني مش ناوي تروح تزور عروستك بقالك كتير مش بتسال عليها.
الحاج محمود فعلت يابني انا مش بشوفك بتسال عليها ولا حتي بتجيب سيرتها البنت ليها حق عليك.
حسن بعد اذنك ياحج انا مليش في الجو دا مش ناقص غير انه امسكلها الموبايل وافضل احب فيها دا الناقص.
علياء وفيها اي لمه تعمل كدا دا مش هيأثر علي رجولتك في شئ الست مننا بتحب دايما الكلمه الحلوه الراجل الحنين اللي بيطبط عليها مش الصارم العصبي، الدنيا مش بتمشي كدا فيها اي لو كل يوم رنيت عليها تطمن، البنت هتفرح وبعدين لمه تيجي تنور البيت هتشيلك فوق راسها.
الحاج محمود علياء معاها حق.
